༄༅། །རྒྱ་གར་ལྷོ་ཕྱོགས་ཏུམ་ཀུར་མཐོ་སློབ་སེམས་ཁམས་སྡེ་ཚན་ནས་སེར་བྱེས་གྲྭ་ཚང་ལ་”ནང་པའི་གཞུང་ནས་བྱམས་སྙིང་རྗེ་སོགས་བཟང་པོའི་སེམས་གོང་མཐོར་འདེགས་པའི་ཐབས་ལམ་ཇི་ལྟར་གསུངས་པའི་སྐོར་”ལ་གཏམ་བཤད་གདན་ཞུའི་འཕྲིན་ཡིག་འབྱོར་བ་ལྟར། ཕྱི་ལོ་༢༠༢༥ ཟླ་བ་༠༧ ཚེས་༢ རེས་གཟའ་ལྷག་པ་ཉིན། སེར་བྱེས་དབྱིན་སྐད་ལོ་ཙྭ་བའི་འཛིན་གྲྭའི་དགེ་རྒན་ཐུབ་བསྟན་སྐལ་ལྡན་ལགས་ཀྱིས་མཐོ་སློབ་དེའི་གཙུག་ལག་རབ་འབྱམས་སེམས་ཁམས་ལོ་རིམ་དང་པོ་དང་གཉིས་པའི་སློབ་མ་རྣམས་ལ། བློ་རིག་སྤྱི་དང་བྱེ་བྲག་ཏུ་སེམས་སེམས་བྱུང་གི་རྣམ་གཞག་དང་། ཉོན་མོངས་དང་དེའི་དབང་གིས་བྱུང་བའི་སྡུག་བསྔལ་ངོས་འཛིན་དང་གཉེན་པོ་ཇི་ལྟར་བསྟེན་ཚུལ་དང་། དབུགས་འབྱུང་རྔུབ་ཀྱིས་མཚོན་པའི་དྲན་པ་ཉེར་གཞག་སྒོམ་ཚུལ་སྦྱོང་བརྡར་གྱི་ལམ་ནས་གཏམ་བཤད་གནང་བ་མ་ཟད། མཇུག་ཏུ་སློབ་མ་རྣམས་ཀྱི་དྲི་བ་ཁག་ལ་ལན་འདེབས་ཡང་གནང་བའི་པར་རིས།
On 2nd July 2025, Ven. Thupten Kalden, a faculty member at Sera Jey English Translation department, gave a lecture on “Buddhist Perspective into Positive Psychology” to 1st & 2nd year M.Sc Psychology students of Department of Studies and Research in Psychology, Tumkur University. He also talked on Buddhist meditation, and answered questions from the students on the lecture.
The event was part of our programs under the MoU between the two institutes.