གྲྭ་ཚང་རིན་པོ་ཆེའི་མཐུན་འགྱུར་འོག་སེར་བྱེས་དེང་དུས་ཤེས་ཡོན་སྡེ་ཚན་གྱི་ཁྱབ་ཁོངས་སེར་བྱེས་སྒྲ་སྒྱུར་སྡེ་ཚན་དང་། སྦེང་ལོར་ཡེ་ཤུའི་མཐོ་སློབ་གྲགས་ཅན་ (Christ University) གྱི་ཁྱབ་ཁོངས་འཛམ་གླིང་ཆོས་ལུགས་སློབ་གཉེར་ལྟེ་གནས་ཁང་ (Centre for Study of World Religions, BVK) གཉིས་ཀྱི་བར་ཤེས་ཡོན་བརྗེ་ལེན་གྱི་ལས་རིམ་”ནང་པ་དང་ཡེ་ཤུའི་སློབ་ཆེན་སློབ་མའི་བར་གྱི་ཤེས་ཡོན་བརྗེ་ལེན་གྱི་ལས་རིམ་”ཞེས་པ་མཇུག་ལེགས་པར་གྲུབ་སྟེ་མཇུག་སྡོམ་མཛད་སྒོ་ཚོགས་ཡོད།
མཛད་སྒོའི་སྐབས་སེར་བྱེས་དེང་དུས་ཤེས་ཡོན་སྡེ་ཚན་གྱི་འགན་འཛིན་དགེ་བཤེས་ཐབས་མཁས་བློ་གྲོས་མཆོག་ནས་མ་འོངས་པའི་ལས་འཆར་སྐོར་གསུང་བཤད་གནང་། དེ་བཞིན་འཛམ་གླིང་ཆོས་ལུགས་སློབ་གཉེར་ལྟེ་གནས་ཁང་ (CSWR) ནས་ཕེབས་པའི་སློབ་གཉེར་བ་སྟེ། རྒྱ་གར་གྱི་མངའ་སྡེ་ཁག་མི་འདྲ་བ་དྲུག་དང་། དེ་བཞིན་ཤྲཱི་ལངྐ་དང་ཕྱི་རྒྱལ་བཅས་ནས་ཕེབས་པའི་ཡེ་ཤུའི་དགེ་འདུན་པ་ཚོས་རང་རང་གི་མྱོང་ཚོར་བརྗེ་ལེན་བྱས། མཐར་ལས་རིམ་དེར་མཉམ་ཞུགས་གནང་མཁན་རྣམས་ལ་ཕྱག་འཁྱེར་ཕུལ་ཏེ་ཉིན་བདུན་གྱི་ཤེས་ཡོན་བརྗེ་ལེན་གྱི་ལས་རིམ་བདེ་ལེགས་ངང་མཇུག་བསྒྲིལ།
Closing Out the Exchange: Insights and Certificates
Under the auspices of Sera Jey Monastic University, the weeklong educational exchange program between the Sera Jey Translation Department and the Centre for Study of World Religions (CSWR), BVK, came to a successful conclusion. The final day featured a talk by Geshe Lharampa Thapkey La on future plans, followed by reflections from the participants from CSWR and handing out certificates to all participants.